عالمی یوم نمونیا کے موقع پرمیدانتا پٹنہ کے ڈاکٹر مرتیونجے کمار سنگھ کی صلاح، سرد موسم میں خصوصی ہوشیاری برتیں

 پٹنہ، 11 نومبر 2023: نمونیا ایک ایسی بیماری ہے جو پھیپھڑوں کو متاثر کرتی ہے۔  اگر پھیپھڑوں میں ضرورت سے زیادہ انفیکشن ہو جائے اور پھیپھڑے ٹھیک سے کام نہ کریں تو صورت حال جان لیوا ہو سکتی ہے۔یہ باتیں ڈاکٹر ساکیت شرما ڈائریکٹر آف ریسپیریٹری میڈیسن، جے پربھا میدانتا سپر اسپیشلسٹ اسپتال پٹنہ نے عالمی یوم نمونیا کے  موقع پر کہیں۔  انہوں نے کہا کہ موسم بدل رہا ہے تو کیا خاص احتیاط کرنی چاہیے۔ڈاکٹر ساکیت نے بتایا کہ دیگر موسموں کے مقابلے سردیوں میں اس کا پھیلاؤ زیادہ ہوتا ہے۔اس وقت موسم بدل رہا ہے، سردی آئی تو اس کی وباء بڑھ جائے گی۔اگر دیکھا جائے تو یہ پھیپھڑوں کو زیادہ متاثر کرتا ہے۔انفیکشن کی وجہ سے پھیپھڑوں کا جو پیرینکایما ہوتا ہے جس کے سبب سوجن ہو جاتا ہے۔اس سوزش کو نمونیا کہتے ہیں۔جس کی وجہ سے مریض کھانسی کا شکار ہو جاتا ہےاور بخار بھی آتا ہے۔  بھوک کی کمی ہو جاتی ہے۔اور جب بھوک کی کمی ہو گی تو بعض اوقات کھانسی کے ساتھ بلغم میں خون آنے لگے گا۔  بخار کافی ہائی گریڈ کا رہتا ہے۔بخار کپکپاہٹ کے ساتھ آتا ہے۔اس کے علاوہ سانس کی تکلیف جیسی علامات بھی ظاہر ہوتی ہیں۔ وائرل انفیکشن کا خطرہ ہے کہ نمونیا ایک شخص سے دوسرے میں بہت تیزی سے پھیلتا ہے۔ اس لیے اگر کسی کو لگتا ہے کہ اس کی قوت مدافعت کمزور ہے تو اس شخص سے فاصلہ رکھیں جس کو نمونیا ہے۔

 اس سے بچاؤ کے لیے اگست کے موسم میں نمونیاکی ویکسین لینے سے نمونیا ہونے کے امکانات کم ہو جاتے ہیں۔ وہ مریض جن کو نمونیا ہونے کا زیادہ خطرہ ہوتا ہے وہ نیوموکوکل ویکسین لے سکتے ہیں۔یہ دیکھا گیاہےکہ نمونیا بچوں اور بوڑھوں میں زیادہ ہوتا ہے جس میں قوت مدافعت کی کمی سب سے بڑی وجہ ہے۔ ڈاکٹر ساکیت نے مزید کہا کہ نمونیا کا علاج ممکن ہے بشرطیکہ یہ مرض بروقت ظاہرہو جائے۔اس لیے اگر وہ بروقت ڈاکٹر کے پاس جائیں تو ایسے مریض ٹھیک ہو جاتے ہیں۔انہوں نے بتایا کہ اس کے علاج کی تمام سہولیات میدانتا پٹنہ میں دستیاب ہیں۔نمونیاکی جانچ کے لیے ایکسرے، سی ٹی اسکین جیسی سہولیات موجود ہیں۔اگر کسی مریض کو آکسیجن وینٹی لیٹر کی ضرورت ہو تو وہ سہولت میدانتا پٹنہ میں بھی دستیاب ہے۔